Tell it to Sun.Star » Dalaygong Buhat

Elektrisidad

admin — Wed, 25 Apr 2012 09:33:08 +0000

Mapasalamaton kami ug dako tungod sa pagpaningkamot sa among barangay kapitan nga matauran na gayud ug linya sa elektrisidad ang sitio Cobong, Oslob, Cebu. Sa pagkakaron, nagsugod na pagtaud sa mga poste nga gi-alayonan pag-ugbok sa mga lumulopyo sa maong dapit. (Contributor/Aurelio C. Eliseo)

Dalan sa Mandaue, giayo na jud

admin — Sat, 28 Jan 2012 08:13:31 +0000

Kun kaniadto kining dapita sa Dan Sacris Road cor. A.S Fortuna dakbayan sa Mandaue dagkong libaong ug pagkalapokon. Apan kining panahona, padayon nga gitrabaho ang pag konkreto sa dan. Sa samang higayon gidid-an una ang mga dagkong sakyanan nga moagi sa dapit. (Alan Tangcawan)

Panglimpyo sa sapa, estiro

admin — Sun, 14 Aug 2011 10:27:45 +0000

Dalaygon kaayo ang gibuhat karon sa dakbayan sa Sugbo sa pagpanglimpyo sa mga sapa ug dagkong mga estiro aron di daling mosuyla ang tubig matag bundak sa kusog nga uwan dinhi. Sama ining gibuhat sa Barangay Tejero ug mga kawani sa Department of Engineering and Public Works (DEPW) nga nanghabwa sa mga lapok ug basura. Ang katawhan makatampo usab di sa paglimpyo, kon di sa paglikay na sa paglabay sa mga basura sa mga kanal ug kasapaan. (Alan Tangcawan/Contributor)

Riprap sa Olango crossway

admin — Sat, 06 Aug 2011 11:09:57 +0000

Gumikan sa pagka inanay nga natumpag ang mga kamada sa mga bato nga nailhan sa tawag nga riprap sa kilid nga bahin sa Olango crossway sa Lapu-lapu City, wa dangti dugay nga panahon giplastada kini og balik nga haom sa naandang porma. Daghan ang nakaangay sa gipakitang pag-atiman sa maong lugar nga sentro usab sa mga turista. (Alan Tangcawan/Contributor)

Gilihok dayun

admin — Mon, 01 Aug 2011 09:32:13 +0000

Maayo na lang nga wa molanat og pipila ka semana gilihok dayon sa taga DPWH kining culvert nga nahimutang nga bahin sa dan Jakosalem eskina Benedicto dakbayan sa Sugbo. Sa inyong pag-aksiyon dayon, nahimong nalikayan ang kahuot sa trapiko ug hapsay kanunay ang dan agian basta lihokon lang ang matag problema sa katilingban, labaw sa tanan walay ikasaway ang katawhan nga mag agian sa maong dapit. (Alan Tangcawan)

Manhole sa kanal sa Tres Borces, Mabolo

admin — Wed, 20 Jul 2011 08:05:37 +0000

Salamat kaayo, DPWH—Gitabunan na gyud sa ginama sa dagkong kabelya kining maong manhole sa kanal sa Tres Borces, Mabolo syudad sa Sugbo human namantala niadtong Mayo 1, 2011 ning Sun.star Superbalita. Niini, malikayan na ang ka delikado sa mga mangagiay sa maong dapit g. (Alan Tangcawan/contributor)