Speak Out: Cleanliness is next to godliness

DAGHAN ko mga kailang balikbayan sa Singapore. Matud pa nila nga ang usa sa nakapadaghan sa turista ug investor mao jud ang kalimpyo sa lugar, maoy hinungdan nga malomboon kaayo ang maong nasud tungod sa kalimpyo.

Diri sa ato, medyo nipaak ang segregation of garbage pero wa kayo gihangop sa publiko. Naka attend ko ug ubang seminar sa barangay. Dihay akong nadunggan nga matud pa: kinahanglan magsugod ta sa tagsa-tagsa ka panimalay kay if di mo katuman, bahala na ug magtapok ang inyong basura di jud na namo kuwaon..

Sakto ba ni? Daghan ko nabantayan nga ang mga garbage truck sa barangay usa ra kabuok, unya kausa ra sa usa ka semana kuwaon unya i-alternate pa ang pagkuha sa malata ug di matala. Maayo nang masayran nato nga kasagaran sa mga eskwaters area dili sayon nga makasabot ani. Ngano? Tungod kay ang gigukod nila pirmi mao ang pagsulbad sa ilang kagutom kada adlaw. Maong di sila madasig ug di makasabot sa pag edukar sa ilang kaugalingon kung unsa ka importante ang kalimpyo sa atong palibot.

Ako makasabot kaayo ani kay naa ko sa usa ka urban poor magpuyo. Bisan gani sa monthly dues nga tag 20 ang buwan mapalyar pa. Inig kabuntag, magpalit ug tag 5 putos nga monggos. Pagka udto, palit ug pansit ba ron nga tag 5. Pagka hapon utan ba ron nga tag 5. Unya, maayo’g usa ra ka tawo ang mokaon. What if pamilyado? Now, karon nganong gihisgutan ko ni? Kay Modawat ta ug sa di ning maong rason pero maoni kamatuoran nga apektado tang tanan ani sa atong palibot.

Ang masa dili kaayo ni nila maoy priority ang pagpalit ug sako nga tag 5 para duhaon pagpalit aron pagsegregate. Di sila makamaong mosabot ani ug di mosabot kay ang priority nila mao ang pagsegregate sa ilang budget para pagsulbad sa ilang pagkaon karon ug sa umaabot nga mga adlaw.

Sa habig sa mga arangan nga pagkabutang ug sa ubang official nga naghimo aning balaorana, kasabot ba sad kaha sila aning kahimtanga? So maoni gaabot kay ang naa sa kawad-on di man mosabot ani ug naa sa taas nga kahimtang daghang di mosabot ani ilang rason.

Nakita nako nga angayan’g palamboon ug una mao ang livelihood project programs ug ang agriculture. Bisag kini lang 2 dako na ni ug ikataban. Bisag anha lang ni himoong epekto sa mga job orders nga ipanghire tong mga jobless sa city hall o munisipyo, unya maoy ilang trabahoon ang paglimpyo sa palibot 24 oras.

Or ang sagunson nga pagpananom kay kadaghan sa mga taong nagpahimulos, namalit ug mga yuta sa kabukiran pero wala kaayo gamita kay nia sa syudad nagpaburot sa ilang pangwarta. Sa pagka karon, daghang wa kasabot aning segregation. Mas maayo man gani nga naay color coding ning segregation. Blue ug green ba ron, dayon i-inform nationwide pareha ba anang signal lights.

So, ingon ani tingale nga pamaagi ang paghire ug daghang job orders nga malimpyo pa ang atong palibot ug makatabang pa ta sa mga way trabaho kay sa usik-usikan ang kwarta sa goberno. Bahala nalang tingale ug sakyan sa pamulitika kay migamot naman an; di na mana matabang.

Kini nalang ang paghire ug mga jobless ug maoy paatimanon sa paglimpyo sa atong palibot ug ang sagunson nga tree planting o ba kaha paglimpyo sa kadagatan. Sa ngadto-ngadto, di lang nato pugson ug dali-dalion. Moabot ang panahon nga makasabot ra sila aning giingon nga “Cleanliness is next to Godliness.” (Kurt of Children Empire, Lapulapu Tribe, Sugbo Sak-Sak)



Leave a Reply

Your email address will not be published. Required fields are marked *

Close